ياوجودي

ياوجودي كل مأصبحت من ليل طويل
لاوصلت لشف بالي ولا عيني غفت
وجد من حده زمانه على رجوى بخيل
العطش والجوع حاديه و الحال إضعفت
ماوراه إلا مساكين وأيتام ودخيل
هاقي فيه الهقاوي وجاله وأخلفت
مايفيد الجرح لاقيل صبرك ياعليل
والحلول إتضيع لامن دعواك إوقفت
صرت راعي حق لاكن ماعندي دليل
لين ماضاعت حقوقي وشمعاتي طفت
شلت ماشاله بليهان في يوم الرحيللاتيسر لي طريقي ولا أيامي صفت
شفت بالدنياء متاهات وأهوال تهيل
مثل ماشفت التفاهات بنفوس هفت
لاكن اللي في يدي مايسيله مسيل
والهقاوي طايحه و الحظوظ إستصلفت
يالله الخيره ويالله في صبر جميل
يبست يديه من الويل ورجولي حفت
ألاماني صارت أشباه شبه المستحيل
والحلوم اللي تحلمت بأولها أختفت
أتحاشى موقفي عن مواقيف الهزيل
دنيت نموت بآخر رجاها ما أنصفت
ياصغير السن ياللي تمسك بالشليل
واهنيك ماتعرف الليالي وش خفت
دالهن بالك بلا هم وقت ولا خليل
وأي شي نفسك إتحصله فيه إكتفت
والله إني بس أعاني وأنا صبري قليل
بس أجاوب نايح الورق وأحوالي سفت
لافقدت الشي دورت له شي بديل
دنية بأحوال بعض الخلايق مارفت
كم عزيز بالرفاعه وصار أكبر ذليل
وكم ذليل عزه الوقت وأيامه دفت

ليتك تموت

ليتك تموت اليوم وأرتاح أنا منك

ويرتاح قلب بالخيانه طعنته
ليتك تموت وبثوب أسود أكفنك


وأطوي معك صفحة عذاب رسمته

ليتك تموت وداخل القبر أنا أدفنك


وأدفن مع الجثمان جرح جرحته

ليتك تموت اليوم وما أحد درى عنك


غير الخفوق إللي وفالك وخنته

ليتك قبل لا تموت في صدرك أطعنك


وأصيح بأعلى الصوت حقي أخذته

يلعنك قلبي والأحاسيس تلعنك


ويلعنك دمع صادق لك نثرته

جننتني ياجعل ربي يجننك

لاواحسايف ليلي إللي سهرته


ما أنت كفو قلبي له سنين صاينك


وما أنت بكفو للي من اجلك زعلته

البيت عقبك

البيت عقبك يا اريش العين مابيه
والله ما مر ابشارعك وانت غايب
البيت ماله قبلتن غير راعيه
وش عاد لو صكو عليه القرايب
الله من قلبن يهوجس بطاريه
يكتم بصدره واصبح الراس شايب
متى اشوفك ياحلو نازلن فيه
واشوف انا فالبيت سيد الحبايب

اهلا وسهلا بكم في دومين الليل